Countdown
Thursday, July 13, 2023
Thursday, September 2, 2021
സേമിയ പായസം
+-----+-------+-------+------+-----+-----+-----+-----+
_*🌶️ ഇന്നത്തെ പാചകം 🍳*_
_*സേമിയ പായസം*_
+------+-----+------+------+------+-----+-----+------+
ഇന്ന് നാലാം ഓണം . ചിങ്ങമാസത്തിലെ അത്തം നക്ഷത്രം മുതല് തുടങ്ങുന്ന മലയാളികളുടെ ഓണാഘോഷം ചതയത്തോടെയാണ് അവസാനത്തിലേക്ക് നീങ്ങുന്നത്. ചതയം നാളിലാണ് നാലാം ഓണം ആഘോഷിക്കുന്നത്. _നാലാമോണം പൊടിപൂരമെന്നാണ് പറയാറ്._ _ഓണാഘോഷങ്ങളുടെ സമാപനമെന്ന രീതിയിലാണ് ഇങ്ങനെ പറയപ്പെടുന്നത്. നാലാമോണം നക്കീം തുടച്ചും എന്നൊരു പഴഞ്ചൊല്ലുമുണ്ട്. നാലാം ഓണം കഴിഞ്ഞാല് പിന്നെ അടുത്ത ചിങ്ങമാസ പുലരിക്കായുളള കാത്തിരിപ്പായി._
_നാലാം ഓണത്തിന് നക്കീം തുടച്ചും തിന്നുന്നതിനൊപ്പം അടിപൊളി സേമിയ പായസം കൂടി ആയാലൊ ?_
___________________________________
*ചേരുവകൾ*
_________________________________
_സേമിയ (Vermicelli) - I കപ്പ്_
_പാൽ - 4 കപ്പ്_
_പഞ്ചസാര -1/2 കപ്പ്_
_മിൽക്ക് മെയ്ഡ് - 1/2 ടിൻ_
_ചൗവ്വരി (sago) - 3 ടേബിൾ സ്പൂൺ_
_ഏലക്കാ പൊടി - 1/4 ടിസ്പൂൺ_
___________________________________
*ഉണ്ടാക്കുന്നവിധം*
-----------------------------------------------------
_ആദ്യം 1 1/2 കപ്പ് വെള്ളം തിളക്കുമ്പോൾ ചൗവ്വരി ഇട്ട് വേവിച്ച് അരിച്ച് എടുക്കണം ._
_ചൗവ്വരി വേകുന്ന സമയം1 സ്പൂൺ നെയ്യ് ഒഴിച്ച് സേമിയ വറുക്കണം._
_പാൽ തിളക്കുമ്പോൾ വറുത്ത സേമിയയും വേവിച്ച ചൗവ്വരിയും ഇട്ട് സേമിയ വേരുന്നത് വരെ ഇളക്കണം. ( കനം കുറഞ്ഞ സേമിയ ആണ് എടുത്തേ .. അത് വേകാൻ 6 -7 മിനിട്ട് മതി )_
_സേമിയ വെന്താൽ പഞ്ചസാരയും മിൽക്ക് മെയ്ഡും ചേർത്തിളക്കി ഇത്തിരി കുറുകി വരുമ്പോൾ ഏലക്കാപ്പൊടി ചേർത്ത് ഇളക്കി ഓഫ് ചെയ്യണം._
_ആവശ്യമുള്ള അണ്ടിപ്പരിപ്പും മുന്തിരിയും നെയ്യിൽ വറുത്തിട്ടാൽ പായസം റെഡി ..._
+-----+-------+------+-------+------+------+------+
വെളളയപ്പം
+-----+-------+-------+------+--------+-------+------+
_*🌶️ ഇന്നത്തെ പാചകം 🍳*_
_*വെള്ളയപ്പം*_
+-------+-------+-------+--------+-------+-------+------+
_നല്ല മൃദുലവും രുചികരവുമായ വെള്ളയപ്പം തയ്യാറാക്കുന്നത് എങ്ങനെ എന്ന് നോക്കാം._
__________________________________
*ചേരുവകള്*
___________________________________
_പച്ചരി - 2 കപ്പ്_
_ചോറ് - 1 കപ്പ്_
_ചിരകിയ തേങ്ങ - ½ കപ്പ്_
_ഉപ്പ് - ആവശ്യത്തിന്_
_പഞ്ചസാര - ¼ ടീസ്പൂണ്_
_യീസ്റ്റ് - 1 ടീസ്പൂണ്_
_നെയ്യ് - 2 ടീസ്പൂണ്_
_ചെറുചൂടുവെള്ളം - ¼ കപ്പ്_
___________________________________
*തയ്യാറാക്കുന്ന വിധം*
___________________________________
_ചൂടുവെള്ളത്തില് പഞ്ചസാര, യീസ്റ്റ് ചേര്ത്ത് പൊങ്ങാന് വയ്ക്കുക._
_അരി 4 മണിക്കൂറെങ്കിലും കുതിര്ത്തു വച്ചിരിക്കണം. ഈ അരി, തേങ്ങ എന്നിവ നല്ലപോലെ അരച്ചെടുക്കണം.കൂടെ ചോറുകൂടി ചേര്ക്കണം._
_( ഈ അരി അരയ്ക്കുവാനായി വെള്ളത്തിനു പകരം തേങ്ങാവെള്ളം ചേര്ക്കാം. തേങ്ങയ്ക്കു പകരം തേങ്ങാപാലും ചേര്ക്കാം. അങ്ങനെ ആണെങ്കില് വെള്ളം അതിനനുസരിച്ച് കുറയ്ക്കണം. )_
_ഇതിലേക്ക് യീസ്റ്റ് പഞ്ചസാര മിശ്രിതം ചേര്ക്കണം. ഇത് പൊങ്ങാനായി കുറഞ്ഞത് 8 മണിക്കൂറെങ്കിലും വച്ചിരിക്കണം._
_നല്ലപോലെ പൊങ്ങിയ മാവ് അപ്പച്ചട്ടി അടുപ്പത്തുവച്ച് ചൂടാക്കി ചട്ടിയില് എണ്ണ പുരട്ടി ഓരോ തവി മാവ് ഒഴിച്ച് ഒന്നു ചുറ്റിയ ശേഷം തീ കുറച്ച് അടപ്പ് മൂടി ചുട്ടെടുക്കുക._
_മറിച്ചിടരുത്. നല്ല മൃദുവായ അപ്പം ലഭിക്കും. അറ്റം നല്ലപോലെ മൊരിഞ്ഞിരിക്കണം._
_വെജിറ്റബിള് കുറുമ, ചിക്കന് കുറുമ, സ്റ്റൂ ഇവയ്ക്കൊപ്പം കഴിക്കാവുന്നതാണ്._
+------+-------+-------+-------+-------+-------+------+
ചീട
+------+-------+-------+------+------+-------+------+
_*🌶 ഇന്നത്തെ പാചകം 🍳*_
_*ചീട (ശീട )*_
+---------+------+-------+------+------+------+------+
_വൈകിട്ടത്തെ ചായക്ക് ഒപ്പം എല്ലാം കഴിക്കാൻ പറ്റിയ ഒരു നല്ല പലഹാരം ആണ് ചീട. വളരെ എളുപ്പം ഉണ്ടാക്കാൻ പറ്റിയ ഒരു വിഭവം ആണിത്._
_____________,_____________________
_*ചേരുവകൾ*_
_________________________________
_പച്ചരി പൊടിച്ചു വറുത്തത് - 1 കപ്പ്_
_ഉഴുന്ന് - 2 ടേബിൾ സ്പൂണ്_
_തേങ്ങ ചിരകിയത് - 1/2 കപ്പ്_
_ജീരകം - 1 ടീ സ്പൂണ്_
,വെണ്ണ / നെയ്യ് - 1 ടേബിൾ സ്പൂണ്_
_ഉപ്പ്- ആവശ്യത്തിന്_
_വെള്ളം - 1/2 കപ്പ്_
_വെളിച്ചെണ്ണ - വറുക്കാൻ ആവശ്യമായത്_
_________,______________,_________
_*പാകം ചെയ്യുന്ന വിധം*_
_______________________________
_ഉഴുന്ന് നന്നായി വറുത്തു തരിയില്ലാതെ പൊടിച്ചെടുക്കുക. അരിപ്പൊടിയിലേക്ക് ഉഴുന്നുപൊടി, വെണ്ണ, തേങ്ങ, ജീരകം, ഉപ്പ് എന്നിവ ചേർത്ത് ഇളക്കി ആവശ്യത്തിന് വെള്ളമൊഴിച്ച് ചപ്പാത്തി മാവിൻറെ പാകത്തിൽ കുഴച്ചെടുക്കുക._
_അൽപാൽപം മാവെടുത്ത് അരിനെല്ലിക്കയുടെ വലുപ്പത്തിൽ ഉരുട്ടി എടുക്കുക._
_മുഴുവൻ മാവും ഇങ്ങനെ ഉരുളകളാക്കി കഴിഞ്ഞാൽ എണ്ണ ചൂടാകാൻ വയ്ക്കാം. ചൂടായ എണ്ണയിൽ ഉരുളകൾ ഇട്ടു ചുവക്കെ വറുത്തു കോരുക. ചൂട് കുറച്ചു വെക്കണം, അല്ലെങ്കിൽ ചീടയുടെ ഉള്ളു നല്ലപോലെ വേവില്ല._
+------+------+------+------+------+------+-------+
ബൺ ദോശ
+-----+------+------+-----+-----+------+-----+-----+
_*🌶️ ഇന്നത്തെ പാചകം 🍳*_
_*ബൺ ദോശ*_
+-----+-----+------+------+-----+-----+-----+-----+
_ഇന്ന് നമുക്ക് പ്രഭാത ഭക്ഷണത്തിന് കഴിക്കാൻ പറ്റിയ നല്ല സോഫ്റ്റ് ബൺ ദോശയും കൂടെ ഒരു നാളികേര ചട്ണിയും ഉണ്ടാക്കുന്നത് എങ്ങനെ എന്ന് നോക്കാം._
__________________________________
_ബൺ ദോശ_
_*ചേരുവകൾ*_
_________________________________
_1. പച്ചരി /ദോശ റൈസ് -1 1/2 കപ്പ്_
_2. ഉലുവ -1/2 ടീസ്പൂൺ_
_3. അവൽ -3/4 കപ്പ്_
_4. നാളികേരം -3/4 കപ്പ്_
_5. ബേക്കിങ് സോഡ -ഒരു നുള്ള്(ഓപ്ഷണൽ )_
_6. എണ്ണ -1 ടീസ്പൂൺ_
_7. കടുക് -1/4 ടീസ്പൂൺ_
_8. ഉഴുന്ന് പരിപ്പ് -1/2 ടീസ്പൂൺ_
_9. ഇഞ്ചി, പച്ചമുളക് (2 എണ്ണം ), കറിവേപ്പില അരിഞ്ഞത്_
_10. ഉപ്പ്_
__________________________________
_*തയാറാക്കുന്ന വിധം*_
_______________________________
_പച്ചരിയും ഉലുവയും കൂടി കുറച്ചു വെള്ളം ഒഴിച്ച് 6 മണിക്കൂർ കുതിർത്ത് എടുക്കുക._
_അതിനു ശേഷം നന്നായി കഴുകി അവൽ, നാളികേരം എന്നിവ കൂട്ടി കുറച്ചു വെള്ളം ഒഴിച്ച് ഇഡ്ലി മാവ് പരുവത്തിൽ അരച്ചെടുക്കുക._
_അതിലേക്കു ഉപ്പ് ഇട്ട് ഇളക്കി രാത്രി മുഴുവനോ അല്ലെങ്കിൽ ഒരു 8 മണിക്കൂർ എങ്കിലും പൊങ്ങാൻ വയ്ക്കുക._
_അതിനു ശേഷം നന്നായി ഇളക്കി തണുപ്പുള്ള സമയമാണെങ്കിൽ ഒരു നുള്ള് ബേക്കിങ് സോഡ ചേർത്ത് ഇളക്കുക._
_ഒരു പാനിൽ എണ്ണ ചൂടാക്കി കടുക്, ഉഴുന്ന് എന്നിവ വറക്കുക._
_അതിലേക്കു ഇഞ്ചി, പച്ചമുളക്, കറിവേപ്പില അരിഞ്ഞത് ഇട്ട് ഒന്ന് വഴറ്റുക._
_അത് വറവ് മാവിലേക്കു ഇടുക._
_അപ്പ ചട്ടി ചൂടാക്കി ഒരു തവി മാവ് നടുവിലായ് ഒഴിക്കുക. പരത്തി കൊടുക്കണ്ട. ചുറ്റും ഒരു നുള്ള് എണ്ണ ഒഴിച്ച് അടച്ചു വച്ചു വേവിക്കുക. മുകൾ ഭാഗം വെന്തശേഷം മറുവശവും വേവിക്കുക._
_ഇനി നാളികേര ചട്ണി തയ്യാറാക്കാം._
__________________________________
_( നാളികേര ചട്ണി )_
_*ചേരുവകൾ*_
___________________________________
_1. നാളികേരം -1 ചെറിയ കപ്പ്_
_2. തക്കാളി -1/2 എണ്ണം_
_3. ചുവന്ന മുളക് -3 എണ്ണം_
_4. വെളുത്തുള്ളി -2 അല്ലി_
_5. സവാള -1/2 എണ്ണം_
_6. കറിവേപ്പില_
_7. പൊട്ടുകടല -1 1/2 ടേബിൾ സ്പൂൺ_
_8.എണ്ണ -1 ടീസ്പൂൺ_
_9. കടുക് -1/4 ടീസ്പൂൺ_
_10.ഉഴുന്ന് -1/2 ടീസ്പൂൺ_
_11. കറിവേപ്പില_
__________________________________
*തയാറാക്കുന്ന വിധം*
___________________________________
_1 മുതൽ 6 വരെ ഉള്ള ചേരുവകൾ മിക്സിയിൽ ഒന്ന് ചതച്ചെടുക്കുക. അതിലേക്കു പൊട്ടുകടലയും ഉപ്പും ചേർത്ത് കുറച്ചു വെള്ളം ഒഴിച്ച് നന്നായി അരച്ചെടുക്കുക._
_ഒരു പാത്രത്തിലേക്ക് മാറ്റി കുറച്ചു വെള്ളം ഒഴിച്ച് നന്നായി ഇളക്കുക._
_ഒരു പാനിൽ എണ്ണ ചൂടാക്കി കടുക്, ഉഴുന്ന് കറിവേപ്പില എന്നിവ വറത്ത് ഇതിലേക്ക് ഇടുക._
+--------+-------+-------+---------+-------+------+
പാൽ ഉപ്പ്മാവ്
+-------+-------+------+-----+-----+-------+------+
_*🌶 ഇന്നത്തെ പാചകം 🍳*_
_*പാൽ ഉപ്പുമാവ്*_
+--------+------+------+------+------+------+-----+
_ഉപ്പുമാവ് എല്ലാവരും കഴിച്ചിട്ടുണ്ടാകും...._ _എളുപ്പത്തിൽ തയ്യാറാക്കാവുന്നതും. രുചികരവുമായ വിഭവമാണ് ഉപ്പുമാവ്._ _എന്നാൽ ഇന്ന് നമ്മൾ ഇവിടെ തയ്യാറാക്കുന്നത്. ഒരു വ്യത്യസ്തമായ ഉപ്പുമാവ് ആണ് ; അതാണ് പാൽ ഉപ്പുമാവ്._
_ഇടക്ക് ഇങ്ങനെയും പാകം ചെയ്ത് നോക്കു.... വളരെ ടേസ്റ്റിയും ഹെൽത്തിയും ആണിത്..._
_________________________________
_*ചേരുവകൾ*_
_____________________________
▪ _റവ - ഒരു കപ്പ്_
▪ _ക്യാരറ്റ് - കാൽകപ്പ്_
▪ _സവാള അരിഞ്ഞത് - ഒരെണ്ണം_
▪ _പച്ചമുളക് അരിഞ്ഞത് - 5 എണ്ണം_
▪ _ഇഞ്ചി - ഒരു ചെറിയ കഷണം_
▪ _പാൽ - അര കപ്പ്_
▪ _വെള്ളം - ഒരു കപ്പ്_
▪ _കടുക് - ആവശ്യത്തിന്_
▪ _ഉഴുന്ന് - ഒന്നര ടേബിൾ സ്പൂൺ_
▪ _വെളിച്ചെണ്ണ ആവശ്യത്തിന്_
▪ _ഉപ്പ് - ആവശ്യത്തിന്_
_________________________________
_*തയ്യാറാക്കുന്ന വിധം*_
_________________________________
_ഒരു പാനിൽ എണ്ണയൊഴിച്ച് ചൂടാകുമ്പോൾ കടുക് ഉഴുന്ന് എന്നിവ പൊട്ടിക്കുക. ഇതിലേക്ക് സവാള ,ഇഞ്ചി ,പച്ചമുളക് , കറിവേപ്പില എന്നിവ ചേർത്ത് നന്നായി വഴറ്റുക.ശേഷം ക്യാരറ്റ് ചേർത്ത് നന്നായി വഴറ്റുക. ഇത് വഴന്നു വരുമ്പോൾ പാൽ വെള്ളം ചേർത്ത് നന്നായി തിളപ്പിക്കുക. തിളപ്പിച്ച് അതിൽ റവ ചേർത്ത് നന്നായി ഇളക്കുക.ആവിശ്യത്തിന് ഉപ്പ് ചേർത്ത് നന്നായി ഇളക്കുക.ടേസ്റ്റി പാൽ ഉപ്പുമാവ് റെഡി._
+-------+-------+-------+------+-------+------+------+
ചിക്കൻ സിക്സ് പാക്ക്
+-----+------+------+------+-----+------+------+-----+
_*🌶 ഇന്നത്തെ പാചകം 🍳*_
_*ചിക്കൻ സിക്സ് പാക്ക്*_
+-------+-------+--------+-----+-----+-------+------+
_ഇന്ന് ചിക്കൻ ഉപയോഗിച്ച് ഒരു വെറൈറ്റി വിഭവം ആണ് നാം തയാറാക്കുന്നത് . ചിക്കൻ സിൿസ് പാക്ക് !_
_അപ്പൊ നമുക്ക് ചിക്കൻ സിൿസ് പാക്ക് ഉണ്ടാക്കുന്ന വിധം ഒന്ന് നോക്കാം._
________________________________
_*ഇതിനാവശ്യമുള്ള സാധനങ്ങള്*_
________________________________
+ _ചെറിയ ഇടത്തരം കോഴി - ഒന്ന്_
+ _മുളകുപൊടി - രണ്ട് ടേബിള്സ്പൂണ്_
+ _മഞ്ഞള്പ്പൊടി - 3/4 ടീസ്പൂണ്_
+ _ഏലയ്ക്ക, ഗ്രാമ്പൂ, പട്ട - മൂന്ന് വീതം_
+ _ചെറിയ ഉള്ളി - പത്തെണ്ണം_
+ _വെളുത്തുള്ളി - പത്ത് അല്ലി_
+ _ഇഞ്ചി - ഒരു കഷണം_
+ _മുട്ട - ഒന്ന്_
+ _ലൈം ജ്യൂസ് - ഒരു നാരങ്ങയുടേത്_
+ _ചുവപ്പ് കളര് - കുറച്ച്_
+ _എണ്ണ, ഉപ്പ് - ആവശ്യത്തിന്_
_______________________________
_*തയ്യാറാക്കുന്ന വിധം*_
_______________________________
▪ _നന്നായി വൃത്തിയാക്കി എടുത്ത മുഴുവന് ചിക്കനും കത്തികൊണ്ട് നന്നായി വരയുക._
▪ _അര ടേബിള്സ്പൂണ് മുളകുപൊടിയും കാല് ടീസ്പൂണ് മഞ്ഞള്പ്പൊടിയും ഉപ്പും ചേര്ത്ത് തിരുമ്മി പിടിപ്പിക്കുക._
▪ _ചിക്കന്റെ ചിറകുകളും കാലുകളും ചേര്ത്തുവെച്ച് നൂല്കൊണ്ട് കെട്ടുക._
▪ _കുക്കറില് ഇറക്കി അര കപ്പ് വെള്ളം ചേര്ത്ത് ഒരു വിസില് വരുമ്പോള് പുറത്തു എടുക്കണം_
▪ _ഏലയ്ക്ക ഗ്രാമ്പൂ പട്ട ഇത് നന്നായി ചൂടാക്കി പൊടിച്ചു എടുക്കണം_
▪ _ഉള്ളി , വെളുത്തുള്ളി ,ഇഞ്ചി ,ഇതെല്ലാം കൂടി പേസ്റ്റ് ആക്കണം_
▪ _ഇനി മസാല പൊടിച്ചതും ബാക്കിയുള്ള മഞ്ഞപ്പൊടി ,മുളകുപൊടിയും ,പിന്നെ അരച്ച പേസ്റ്റും ഒരു പാത്രത്തില് ആക്കി ഒരു മുട്ട പൊട്ടിച്ചു ഒഴിച്ച് നാരങ്ങാ ജ്യൂസും ഒഴിച്ച് പാകത്തിന് ഉപ്പും ചേര്ത്ത് കളറും ചേര്ത്ത് നന്നായി മിക്സ് ചെയ്തു എടുക്കുക ._
▪ _ഈ മസാല ചൂടാറിയ ചിക്കനില് നല്ലതുപോലെ തേച്ചു പിടിപ്പിക്കണം_
▪ _അതിനുശേഷം കുഴിയുള്ള പാനില് എണ്ണ ഒഴിച്ച് ചൂടാവുമ്പോള് ചിക്കന് ഇറക്കിവെക്കുക._
▪ _എല്ലാ ഭാഗവും ഒരുപോലെ ചുവപ്പാകുന്നതുവരെ പൊരിച്ചെടുക്കുക._
_ചിക്കന് സിക്സ് പായ്ക്ക് റെഡി._
+-------+------+-------+------+------+-------+---+
Subscribe to:
Posts (Atom)